English version of this page

Kristian Lødemel Sandberg

Førsteamanuensis

E-post: kristian.sandberg@inn.no
Telefonnummer: +47 62 59 79 84

Fakultet for lærerutdanning og pedagogikk
Institutt for nordisk språk og litteratur
Studiested Hamar, Rom 2C257-2

Kort om

Eg er førsteamanuensis i norsk og har litteratur som fagfelt. Eg underviser i norskemne på grunnskolelærarutdanningane og lektorprogrammet, mest om litteraturhistorie, barnelitteratur og litteraturdidaktikk. To sjangrar eg har arbeidd særleg med, er reiselitteratur og essayet, og hausten 2021 hadde eg ansvar for eit fordjupingsemne om reiselitteratur. Med eit visst overlapp med reiselitteratur har eg òg ei interesse for kart, og eg har sett på kartsamlinga til diktaren Rolf Jacobsen i relasjon til lyrikken hans. Andre sjangrar eg har fordjupa meg i, er fiktive biografiar og ulike former for sjølvbiografiske romanar.

Eg har doktorgrad i nordisk litteratur frå UiO på ei avhandling om Kjartan Fløgstad. Avhandlinga handlar om Fløgstads historiekritikk og oppgjer med ei kapitalistisk skuld. Eg har skrive mykje om forfattarskapen til Aasmund O. Vinje, og eg interesserer meg for litteratur der folkelege og munnlege tradisjonar møter skriftlege sjangerførebilete, som til dømes når element frå folketru eller visdomslitteratur speler med i moderne litteratur. Andre forfattarskap eg arbeider med eller har publisert om, er Ragnvald Skrede, Ingeborg Refling Hagen, Dag Solstad, Georg Johannesen og Demian Vitanza.

Ein samnemnar for mykje av det eg har forska på, er framstillinga av dei fattige, namnlause og «tause» frå historia. For tida er eg oppteken av framstillinga av dei nasjonale minoritetane, som blir ramma inn som nasjonale og kulturelle «andre», mest skogfinnane og romanifolket, i lærebøker og skjønnlitteratur. Eit meir langsiktig prosjekt som eg er i startgropa på, handlar om «reisande som møter reisande» i reiselitteratur, dvs. korleis privilegerte reisande framstiller møter med det reisande folket (romanifolk) i reiselitteratur frå Noreg. Prosjektet dreier seg om å følgje omstreifarmotivet gjennom historia, med blikk for kva motivet seier om ulike former for reiseverksemd og nasjonale oppfatningar.

Forskingsinteresser:

Essay, reiselitteratur, biografiske og sjølvbiografiske sjangrar
Motiv, postkoloniale perspektiv, nasjonale minoritetar
Lærebokforsking, kanon og lesebokhistorie

Verv, medlemskap m.v.

Leiar for Nasjonalt fagorgan for nordiske språk og litteratur (2021–2023)
Jurymedlem for Samlagsprisen (2019–2023)
HINNs representant i Litteraturscena (2019–2022)
Medlem i Det norske språk- og litteraturselskap

Bakgrunn

nov. 2018–d.d.: Førsteamanuensis i norsk litteratur ved HINN, avd. Hamar.
aug. 2018–nov. 2018: Høgskolelektor i norsk litteratur ved HINN, avd. Hamar.
sep. 2017–jul. 2018: Gjennomføringsstipendiat i nordisk litteratur, UiO.
aug. 2014–sep. 2017: Doktorgradsstipendiat i nordisk litteratur, UiO.
feb. 2014–jun. 2014: Vikariat som norsklærar ved Bjerke vgs., Oslo.

Forskergrupper

Nordisk litteratur (NORLITT)

Frøjd, Ylva & Sandberg, Kristian Lødemel (2023). Litterær eller lærarfagleg analyse? Om skilnader og nytteverdi i litteraturdidaktisk arbeid. Norsklæreren. ISSN 0332-7264. 47(4), s. 41–55. Vis sammendrag
Litteraturdidaktikk retta mot grunnskolelærarar presenterer både «litterær analyse» og «lærarfagleg analyse» som analysemåtar for å arbeide med skjønnlitteratur. Denne artikkelen undersøkjer skilnadene mellom dei to analysemåtane og argumenterer for at dei utfyller kvarandre: Ein norsklærar treng litterær kompetanse utvikla gjennom røynsle med litterære analysemetodar for å kunne gjennomføre ein lærarfagleg analyse. Den lærarfaglege analysen fører på si side fram til litteraturundervising som kan støtte elevane gjennom ein utforskande tolkingsprosess slik at dei utviklar tolkingskompetanse (Hansen & Gissel, 2021). Ved å diskutere forholdet mellom kva slags kompetanse litteraturlæraren treng og kva slags kompetanse eleven skal utvikle i norskfaget, vil vi synleggjere ein både uuttalt og viktig premiss i litteraturdidaktisk arbeid, nemleg at vi treng å skilje mellom litterær kompetanse hos læraren og utvikling av tolkingskompetanse hos elevane.
Sandberg, Kristian Lødemel (2023). Arbeidarane som silhuettar. Arbeidarperspektivet i bedriftshistoria Medaljens forside. Agora. ISSN 0800-7136. 40(4), s. 316–335. doi: 10.18261/agora.41.1.13.
Sandberg, Kristian Lødemel (2022). Når villhavren spreier seg. Om ugras og armod i Loke saar havre (1922). I Syversen, Eva-Marie & Karlsen, Ole (Red.), Stjerner over granskogbunnen: Om Ingeborg Refling Hagens forfatterskap. Novus Forlag. ISSN 978-82-8390-089-7. s. 39–56.
Sandberg, Kristian Lødemel (2021). Ein mann og dressen hans. Karikaturar av Dølen i Vikingen 1862–1870. I Åslund, Arnfinn; Fjågesund, Peter; Hanto, Kristian Ihle; Nordstoga, Sveinung & Staxrud, Johan Magnus (Red.), Tvisyn, innsyn, utsyn : Nærblikk på A.O. Vinje. Scandinavian Academic Press. ISSN 9788230402726. s. 607–634. Vis sammendrag
«No seer eg atter slike Fjøll og Dalar, / som deim eg i min fyrste Ungdom saag». Med slike linjer har Vinje skapa seg ein plass i norsk litteraturhistorie og i hjarta til dei mange som har sett pris på ordkunsten hans. Diktet som blir inn- leia med desse linjene, er mellom dei mange tekstane som blir undersøkte i denne boka. Aasmund Olavsson Vinje levde frå 1818 til 1870. Han blei fødd i Vinje i Telemark, men levde det meste av livet sitt i hovudstaden der han etablerte seg som diktar, journalist og redaktør. Etter kvart blei han ein pionér for det nynorske skriftspråket og synte publikum korleis dette kunne nyttast i diskusjonar og skildringar av alle slag, og med sine lyriske dikt kunne han røre lesarane sine på ein måte som få andre norske forfattarar har evna. Denne boka er basert på ein stor konferanse i 2018 ved Universitetet i Søraust-Noreg – Bø som samla ei lang rek- ke forskarar med det for auge å kaste nytt lys over Vinje. Dei 24 kapitla utforskar Vinjes liv og forfattarskap slik at lesarane kjem tett på dei spørsmåla han var oppteken av, og dei skrivemåtane han utvikla. Til saman formidlar tek- stane noko av det tvisynet, innsynet og utsynet som ein finn i Vinjes eigne skrifter.
Sandberg, Kristian Lødemel (2021). Å vera to om å fortelja eit liv. Ein analyse av forhandlinga om ei livshistorie i Demian Vitanzas Dette livet eller det neste. Edda. Nordisk tidsskrift for litteraturforskning. ISSN 0013-0818. 108(3), s. 204–216. doi: 10.18261/issn.1500-1989-2021-03-05. Fulltekst i vitenarkiv Vis sammendrag
Artikkelen tek føre seg Demian Vitanzas Dette livet eller det neste (2017) for å diskutere kva det vil seia å fortelja og gjenfortelja eit liv. Romanen utforskar eit etisk og litterært grenseland, der forhandlinga mellom Tariq (som fortel livet sitt) og forfattaren (som gjenfortel det) gjer det mogleg å realisere og problematisere livshistoria til ein norsk framandkrigar. Med utgangspunkt i diskusjonar om fiksjonell referensialitet og etikk i romanar som baserer seg på eit faktisk liv, blir det argumentert for at romanen forhandlar fram både ein røyndomskontrakt og ein fiksjonskontrakt, noko som gjer at den narrative konstruksjonen kan overta for livet som er levd. Vidare argumenterer artikkelen for at den eksplisitte forhandlinga i romanen, som gir kjelda medråderett over si eiga livshistorie, skaper eit korrektiv til etikken i røyndomslitteraturen.

Se alle arbeider i Cristin

Sandberg, Kristian Lødemel (2023). «Når visdomssteinen er funnen». Visdomslitteratur som inngang til Skredes lyrikk.
Sandberg, Kristian Lødemel (2023). Kartsamling kontra boksamling. Eit materielt perspektiv på Rolf Jacobsens kart.
Sandberg, Kristian Lødemel (2023). Poesien i eit kart. Om kartsamlinga til Rolf Jacobsen og krysningspunkt med lyrikken.
Sandberg, Kristian Lødemel (2021). Kven and Forest Finn literature in the Norwegian school canon. Any at all? .
Sandberg, Kristian Lødemel (2021). Når villhavren spreier seg. Om ugras og armod i Loke saar havre (1922).

Se alle arbeider i Cristin

Adresser

Besøksadresse

Alf Prøysens Hus (Hovedbygg fløy C nyeste del)
Holsetgata 31, N-2318 Hamar
Rom 2C257-2
Vis i kart

Postadresse

Høgskolen i Innlandet
Postboks 400 Vestad
2418 Elverum